Latgolys symtgadis kongresa eiszinis - Sibirejis latgalīši

Pādejā apreļa dīnā Rēzeknē īsaroda pirmī Sibirejis latgalīši. Itī atslāga vuordi 4. pasauļa latgalīšu saītā sknanēs napuortrukti, partū ka vysi, kas ir nūbraukuši da Sobiram voi runuojuši ar atbrauciejim Latvejā, patīsi lepojās par tautīšim, kas tyukstūša kilometru attuolumā nu Latvejis saglobova sovu volūdu.

Kongresa gaitā ir divi nūtykumi, kas vaira veļteiti sibirīšim. 6. maja pušdīņlaikā (11.30) atkluos izstuodi „Cyts Sibirs: latvīšu cīmi Lejis Bulanā, Timofejevkā i Suhonojā”. Izstuode ir veiduota, sasadorbojūt muzeja „Latvīši pasaulī” i Latvejis Universitatis Literaturys, folklorys i muokslys instituta pietnīkim. Izstuodē var apsavērt kai rakstiskys līceibys, tai foto i video materialu.

1.majā sekcejis Volūdys i izgleiteibys politikys vaicuojumi latgalistikā sēdē nu 17.00 stuņžu varēs dzierdēt ari referatus saisteibā ar Sibira tematiku.

Sibīrijas latgalieši 1.maijā fabulu svētkos Franča Trasuna muzejā

Sibira latgalīši jau vakar īsuoce sovu kulturys programu, apmeklejūt Annys Rancānis dzejis izruodi „Atlaižu” Lūznavas muižā. Sibirīšim tei ir breineiga vareiba byut Jūs tāvutāvu dzimtenē, a vītejim latgalīšim unikala īspieja dzierdēt senejis volūdys formys, stuostus par dzeivi Sibirī. Braucīņu iz Latviju atbolsta Kultūras ministrija.

Autors: Ilga Šuplinska