Latgolys symtgadis kongresa eiszinis - 60 dīnys da kongresam
05.03.2017.Latgolys symtgadis kongresa orgkomiteja beidzūt ir apkuopojuse informaceju par referentim. Pyrmuos dīnys plenārsēdē byus vareiba dzierdēt gon vaļsts augstuokuos amatpersonys, gon Egila Levita ziņuojumu par 1917. goda kongresa i tuo lāmumu eistynuošonys juridiskū pusi, Inesi Runci par 1917. goda kongresa viesturiskū kontekstu i puorejūs nūvodu reakceju iz kongresa lāmumim. Pyrmuo dīna nūtiks Latgolys viestnīceibā “Gors”.
Pasuokumi simboliski turpynuosīs vysu nakti, partū ka nu vīnys kongresa dīnys da ūtrys byus Latgalīšu volūdys nakts ar latgaliski dzīdūšūs muzyķu uzastuošonu i tekstu skaitejumiem nu latgaliski rokstūšim autorim.
Ūtrei kongresa dīna turpynuos sovu dorbu Rēzeknis Tehnologeju akademejā. Reits suoksīs ar kūpeigu plenarsiedi, tod nu 12.00 da 14.00 dorbuosīs sešys paraleluos sekcejis:
- Latgolys regiona ekonomikys i uzjiemiejdarbeibys atteisteibys īspiejis (atb. S. Ežmale)
- Vidis vaicuojumi Latgolys regiona atteisteibā (atb. E. Teirumnīks)
- goda Latgolys kongresa viesturiska i juridiska nūzeime i lūma Latvejis vaļstiskumā i Satversmē (atb. A. Bitāns)
-
3 filologiskuos, kulturologiskuos sekcejis (atb. I. Šuplinska):
- Latgolys diskurss literaturys viesturē (atb. O. Lāms)
- Volūdys i izgleiteibys politikys vaicuojumi latgalistikā (atb. L. Leikuma)
- Viesturis i komunikacejis diskurss latgalistikā (atb. J. Urtāns)
Atbylstūši nu 15.00 da 16.20 – 5 paraleluos sekcejis (vysmozuok pīteikumu ir tautsaimnīceibys sekcejā), nu 17.00 da 18.30 – 4 sekcejis (bez literaturzynuotniskuos). Kotrā sekcejā paradzātys ari diskusejis, partū nuokušajuos eisziņuos.