Latgolys symtgadis kongresa eiszinis - 38 dīnys da kongresam. Pīsaregistrēt kongresam!

Nu šudiņdīnys da 20. apreļam īskaitūt, var pīsaregistrēt Latgolys symtgadis kongresam kai klauseituojs. Kab tū izdareitu, juoatver Rēzeknis Tehnologeju akademijis sātys lopa (www.rta.lv) i zam “Notikumu kalendārs” juoatrūn 5. majs i kongresa aproksts.

Pīsaregistrēt Latgolys symtgadis kongresam:

https://goo.gl/CpJDDT

PARKŪ BYUTU JUOSAREGISTREJ?

Patīseibā divys prīškrūceibys klauseituojim i vīna organizatorim.

Tys, kas nūruodeitajā laikā (28.03–20.04) pīsaregistrej kongresam, tys:

• var pretendēt iz klauseituoja aplīceibys īguišonu,
• pīsadola bolsojumā par Reiceibys komitejis izveidi i rezoluceju.

Organizatorim tei ir īspieja prognozēt daleibnīku skaitu, kas atvīgloj konfereņcis reikuošonu.

Pīsaregistrej pats, kab byutu zynūšs par Latgolai svareigim vaicuojumim, i puorsyut ziņu draugam ci kolegim, kab īspieja daleibai ir piec īspiejis leluokam cylvāku skaitam.

Tūmār, ja zini, ka 5.–6. majā nabyusi Rēzeknē, nabādoj, byus īspieja plenarsēdis i diskusejis redzēt tīšsaistī Rēzeknis Tehnologeju sātys lopā.