Latgolys symtgadis kongresa eiszinis - 48 dīnys da kongresam

4. pasauļa latgalīšu saītā 2. majā ir paradzāta nūvodvuiceiba kūpā ar Latgolā pazeistamim kulturys i sabīdryskajim darbinīkim. Itamā šaļtī ir zynoms, ka sovys školuotuoja spiejis raudzeis puorbaudeit muzyki: da Gunchi, Kristaps Rasims, Arņs Slobožanins, Sovvaļnīks, Jurs Vucāns, medeju puorstuovi: Renāte Lazdeņa, Evika Muizneica, Ausma Sprukte, Lolita Kivleniece-Kuzņecova, Jūlija Jurāne, Inga Kaļva, kulturys darbinīki: Ruta Cybule, Andris Slišāns, Edeite Husare, Ilga Šuplinska, Mārīte Krasnobaja, Ilze Ozoliņa, politikis Jurs Viļums.

Vīns nu izdavumu, kas tiks duovynuots školom, kurā nūtiks nūvodvuiceibys pilotiešona, ir stuosti bārnim par Latgolu “Gostūs pi Boņuka”. Izdavuma autoris literaturzynuotneica Ilga Šuplinska, dzejneica i drāmys terapeite Līga Rundāne, školuotuoja Aelita Andrejeva raudzejušys turpynuot Boņuka transformacejis muokslā. Izdavuma pamatmierkis – ar pazeistamu tālu – Annele nu A. Brigaderis stuostim, Pastariņš nu E. Birznīka-Upeiša prozys i muokslys detektive Poga nu L. Pastoris bārnu detektīvu gruomoteņom – gostūs pi Boņuka atkluos myusu dīnu Latgolu, tuos tradicejis, vītys, bārnu literaturys autorus i, pats svareiguokais, volūdu. Paruodeis, ka tei volūda, kū runuoja myusu seņči, ir stypra ari myusu dīnuos.

Gruomotai ir daudz atškireibu, saleidzynojūt ar leidzeigim izdavumim:
- tū ilustrej muokslineica Līna Ivanova, daškierdama individualitati tālim i vītom, kuruos skaiteituojs atsarass,
- tymā ir daudz dažaida veida aizdavumu i kaitu, kurys juospielej kūpā ar klasisbīdrim i školuotuoju školā ci vacuokim sātā,
- taitod – gruomota, kuu skaiteit aicynuoti lelī ar mozajim i ūtraižuok,
byus davīnuota ari golda spēle “Ceļuojums pa Latgolu”.