Latgolys symtgadis kongresa eiszinis - 66 dīnys da kongresam

26. februārī jau deveitū reizi nūtyka Latgalīšu kulturys goda bolvys padūšonys ceremoneja. Tymā vairuokuos nominacejuos beja izvirzeiti pasuokumi iz izdavumi, kurus, Latgolys symtgadis kongresu sagaidūt, veidoj Latgalīšu kulturys bīdreiba i Rēzeknis Tehnologeju akademeja.

Nominacejā par goda nūzeimeiguokū kulturys pasuokumu beja izvierzāts N. Rancāna konkurss izcyluokajim Latgolys regiona pedagogim. Itūgod pasuokums nūtiks jau trešū reizi, nūslāguma pasuokums paradzāts 24. septembrī Viļānu Tautys nomā. Pasuokumu organizej LKB sadarbeibā ar RTA, finansiāli atbolsta Kulturys ministreja projekts programā “Latvejis vaļstei 100” i Latgolys pošvaļdeibys.

Nominacejā par latgalīšu volūdys populariziešonu Latvejā i pasaulī treju lobuokūs skaitā tyka īkļauta izgleitojušuo datorspēle “Īsapazeisim” par 33 īvāruojamom personeibom, kas sasiteitys ar Latgolu (http://iepazisimies.rta.lv). Spēle ir popularizēta daudzuos vītuos Latgolā, Reigā izgudruojumu izstuodē, tān pīejama sevkuram spālātuojam. Spēlis autori: ideja, koncepceja, saturs – I. Šuplinska, saturs – V. Malahovskis, tehniskais izpiļdejums – SIA “MS-IDI”. Finansiali obus pasuokumus atbaļsteja Kulturys ministreja projekts programā “Latvejis vaļstei 100” i RTA.

Nominacejā par lobuokū snīgumu literaturā par nominantu tyka atzeita Sandrys Ūdris i Juoņa Ryučāna gruomota par Fraņci Kempu “Aizlauztais spaits”. Gruomota ir LKKF Latgolys kulturys programys projekta “F. Kempa 140 godu atceris” (projekta vad. I. Šuplinska) rezultāts. Projektu realizēja Latgalīšu kulturys bīdreiba. Tys beja vīns nu pasuokumu F. Kempa atcerei. Romanu var īsaguoduot LKB, školom i bibliotekom romans teik duovynuots.