Latgolys symtgadis kongresa eiszinis - 69 dīnys da kongresam
25.02.2017.Da 20. februaram tyka gaideitys kongresa referentu tezis. Iz itū breidi ir pīteikti 62 referati, 6 stenda referati, 5 dalinīki pretendej iz diskuseju īvadeišonu. Puorstuovāti ir latgalīši nu Latvejis, Krīvejis (Sibira) i ASV, taipoš pīsadaleis kongresā ar ziņuojumim 4 pūļu zynuotnīki.
Da 1. martam referenti sajims apstyprynuojumus par temu īkļaušonu kongresa programā. Prīšklasejumi tiks prezentāti sešuos sekcejuos: tautsaimnīceibys, vidis, juridiski viesturiskajā, latgalistikys, medeju i kulturviesturis.
Eipaša prīca par Latvejis Universitatis iniciativu organizēt atsevišķu sekceju “Latgolys diskurss literaturys viesturē” (vadeituojs Ojārs Lāms, Ieva Kalniņa). Sekcejā byus referenti nu Latvejis Universitatis, Daugovpiļs Universitatis, Vroclovys Universitatis i Rēzeknis Tehnologeju akademejis.